Waseem khan

Add To collaction

22-May-2022 لیکھنی کی کہانی -

ویسے ہی خیال آ گیا ہے 
یا دل میں ملال آ گیا ہے 

آنسو جو رکا وہ کشت جاں میں 
بارش کی مثال آ گیا ہے 

غم کو نہ زیاں کہو کہ دل میں 
اک صاحب حال آ گیا ہے 

جگنو ہی سہی فصیل شب میں 
آئینہ خصال آ گیا ہے 

آ دیکھ کہ میرے آنسوؤں میں 
یہ کس کا جمال آ گیا ہے 

مدت ہوئی کچھ نہ دیکھنے کا 
آنکھوں کو کمال آ گیا ہے 

میں کتنے حصار توڑ آئی 
جینا تھا محال آ گیا ہے 

ادا جعفری

   1
0 Comments